Վրաստանի իշխանությունները վստահեցրել են ԵՄ-ին, որ կդադարեցնեն ռուսական նավթի վերաարտահանումը
Վրաստանի իշխանությունները պարտավորվել են թույլ չտալ Ռուսաստանի հետ կապված լցանավերի մուտքն իրենց ծովային տերմինալներ։ «Ինտերֆաքս» գործակալության փոխանցմամբ՝ այս մասին Բրյուսելում կայացած ճեպազրույցի ժամանակ հայտարարել է Եվրոպական հանձնաժողովի խոսնակ Շիոբհան ՄաքԳարին։ «Վրաստանը մեզ տեղեկացրել է, որ ստվերային նավատորմին պատկանող նավթատարներն այլևս չեն կարողանա կանգ առնել իր նավահանգիստներում»:
ՄաքԳարին նշել է, որ «եվրոպական պատժամիջոցների ռեժիմի խախտումներ են եղել, և Վրաստանի իշխանությունները պարտավորվել են դադարեցնել այն գործողությունները, որոնք մեզ մոտ մտահոգություններ են առաջացրել»։ Խոսնակը հիշեցրել է, որ Ռուսաստանի դեմ ԵՄ 20-րդ պատժամիջոցների փաթեթը պատրաստելիս նախատեսվում էր վրացական Կուլևիի տերմինալը ներառել այն կազմակերպությունների ցանկում, որոնք, Բրյուսելի կարծիքով, նպաստում են Ռուսաստանի կողմից ԵՄ սահմանափակող միջոցառումների շրջանցմանը։ «Վրաստանի իշխանությունները հաստատել են, որ դադարեցնում են ռուսական նավթի վերաարտահանումը։ Մենք ուշադիր հետևում ենք իրավիճակին՝ համոզվելու, որ դա իսկապես այդպես է», - հայտարարել է ՄաքԳարին։
Նա հավելել է, որ ԵՄ-ն չի տատանվի վճռականորեն գործել ցանկացած կազմակերպության դեմ, որը խաթարում է պատժամիջոցների ազդեցությունը։
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Տարեց բնակիչների մոտ պնդում կա, որ հունիսի 7-ից հետո էս ամեն ինչը դադարելու ա
Անդրանիկ Քոչարյանը ներողություն է խնդրել երեկ հնչեցրած իր արտահայտության համար
Հօգուտ Դիլիջան համայնքի կբռնագանձվի 2 միլիոն 970 հազար դրամ
Իրանական կամպանիայի ամերիկյան ծախսերը կարող է հասնել 31 մլրդ դոլարի
Մի նոր փոդքաստ պարտադիր դիտման համար
«Արտեմիս II» տիեզերագնացները Լուսնի ձգողականության ազդեցության գոտի են հասել
Ո՞վ է թիրախը՝ գյուղացի՞ն որ ուզում է ջերմոց ունենա, թե՞ ներդրողը, որ ուզում է ջերմոցային ցանց ստեղծի
Վերջին երկու տարվա ընթացքում զորակոչիկների թիվն աճում է. Անդրանիկ Քոչարյան
Կգործարկվի YES Parking բջջային հավելվածը