Մшրտական գործողությունների ավարտի դեպքում կիևյան ռեժիմի առաջնորդներին կարող են պատժել հենց իրենց մարդիկ. Մեդվեդև

Մեդվեդևը պատմել է, թե ինչ է սպասվում կիևյան ռեժիմի առաջնորդներին հատուկ ռազմական գործողության ավարտից հետո: Ուկրաինայի ղեկավարների մի մասի համար ռազմական գործողությունների շարունակումը սեփական կյանքի շարունակությունն է, իսկ մարտական գործողությունների ավարտի դեպքում նրանց կարող են կախել հենց իրենց մարդիկ. այսպիսի կարծիք է հայտնել Ռուսաստանի Անվտանգության խորհրդի փոխնախագահ Դմիտրի Մեդվեդևը, հայտնում է ՌԻԱ նովոստի-ն:

«Այդ պետության ղեկավարների մի մասի համար, ինչպես էլ նրանց անվանենք կամ ինչպիսի մակդիրներով էլ օժտենք, մենք ձեզ հետ հասկանում ենք, որ ռազմական գործողությունների շարունակումը, անկեղծ ասած, սեփական կյանքի շարունակությունն է», — ասել է Մեդվեդևը անօդաչու ավիացիայի ստորաբաժանումներից մեկն այցելելու ժամանակ։ Համապատասխան տեսանյութը հրապարակվել է Անվտանգության խորհրդի փոխնախագահի MAX հարթակի ալիքում։

Նա նշել է, որ ռազմական գործողությունների ավարտի դեպքում այդ ղեկավարներին, եթե նրանց չհաջողվի փախչել, կարող են կախել հենց իրենց մարդիկ։

«Եթե մարտական գործողություններն ավարտվում են, լավագույն դեպքում կհաջողվի փախչել սահմանամերձ երկրներից մեկի տարածք՝ Լեհաստան, Բրիտանիա կամ Եվրոպայի այլ երկրներ, որոնք ապաստան կտրամադրեն։ Իսկ վատթարագույն դեպքում՝ այո՛, իրենց մարդիկ էլ կկախեն հենց Մայդանում՝ ինչ-որ տեղ», - հավելել է Մեդվեդևը։