Լավրով․ Մակրոնին չի հաջողվի խուսափել Մինսկյան համաձայնագրերի վերաբերյալ պատասխանատվությունից

Ֆրանսիայի նախագահ Էմանուել Մակրոնին չի հաջողվի «խուսափել» Մինսկյան պայմանավորվածությունների վերաբերյալ պատասխանատվությունից, քանի որ Փարիզում՝ նրա պաշտոնավարման ընթացքում, արձանագրվել է, որ այդ համաձայնագրերը, ներառյալ Դոնեցկի և Լուգանսկի ժողովրդական հանրապետություններին հատուկ կարգավիճակ տրամադրելու ամրագրումը, պետք է իրականացվեն։ Այս մասին հայտարարել է ՌԴ արտաքին գործերի նախարար Սերգեյ Լավրովը։

«Փարիզում արձանագրվել է (դա արդեն Էմանուել Մակրոնի պաշտոնավարման ժամանակ էր, ուստի նրան չի հաջողվի խուսափել այդ պատասխանատվությունից), որ անհրաժեշտ է կատարել Մինսկյան պայմանավորվածությունները, ներառյալ՝ Ուկրաինայի

Սահմանադրությունում փոփոխություններ կատարելը, որոնք հավերժորեն կամրագրեն Դոնեցկի և Լուգանսկի ժողովրդական հանրապետությունների հատուկ կարգավիճակը։ Դա արձանագրված է», -ասել է Լավրովը «Էմպատիա Մանուչի» ինտերնետային նախագծին տված հարցազրույցում։