Իրաքը 100 մլն դոլար կտրամադրի ցորեն գնելու համար՝ Ուկրաինայում ռազմական գործողության պատճառով

Իրաքի կառավարությունը 100 մլն դոլար կտրամադրի արտասահմանում ցորեն գնելու համար՝ Ուկրաինայում, որը Ռուսաստանի հետ հավասար ցորենի հիմնական մատակարարներից մեկն է հանրապետությունում, իրավիճակի սրման հետ կապված։ Այս մասին ասել է Իրաքի առեւտրի նախարարության ղեկավար Ալյա Ահմադ Հասանը։

«Տնտեսական հարցերի նախարարական խորհուրդը արտահերթ նիստ է հրավիրել՝ քննարկելու համար վերջին իրադարձություններն աշխարհում եւ սննդամթերքի գների աճը ռուս-ուկրաինական ճգնաժամի պատճառով։ Այս առնչությամբ ընդունվել են որոշումներ՝ Իրաքի պահեստարանները ցորենի ռազմավարական պաշարով ապահովելու նպատակով։ Առեւտրի նախարարությանն աջակցություն կցուցաբերվի 3 մլն տոննա ներմուծվող ցորենի ռազմավարական պաշարների գնման համար, եւ այդ նպատակով, մասնավորապես, կհատկացվի 100 մլն դոլար»,- առեւտրի նախարարության Ֆեյսբուքի էջում մեջբերվում են պաշտոնյայի խոսքերը։

Միեւնույն ժամանակ, նախարարական խորհուրդը որոշում է ընդունել 10 օրվա ընթացքում խրախուսական վճարներ հատկացնել ֆերմերներին 2021թ. բերքի համար, ինչպես նաեւ մինչեւ հունիսի սկիզբ նրանց նպաստներ տրամադրել ընթացիկ տարվա համար։

Ինչպես հավաստիացրել է Հասանը, «նախարարությունը կազմել է քաղաքացիների պարենային անվտանգության ապահովման եւ պարենային ապրանքների գների գլոբալ աճին (ինչն առաջացել է ցորենի համաշխարհային արտահանման մեկ երորդն ապահովող Ռուսաստանի եւ Ուկրաինայի միջեւ ճգնաժամի պատճառով) դիմակայելու պլան»։