Զապորոժիեի ԱԷԿ-ի շենքում հրդեհ է բռնկվել
Զապորոժիեի ԱԷԿ-ի ուսումնամարզական շենքում բռնկված հրդեհը մարվել է: Այս մասին Facebook-ում հայտնել է Ուկրաինայի արտակարգ իրավիճակների պետական ծառայությունը։
«Ժամը 06:20-ին Զապորոժյեի ԱԷԿ-ի ուսումնամարզական շենքում հրդեհը մարվել է։ Զոհեր եւ վիրավորներ չկան»,- ասվում է հաղորդագրության մեջ։
Ավելի վաղ Արտակարգ իրավիճակների պետական ծառայությունը հայտնել էր, որ հրդեհը բռնկվել է մասնաճյուղի մի քանի հարկերում։
Ըստ տելեգրամյան որոշ ալիքների ԱԷԿ-ի տարածքն անցել է ռուսների վերահսկողության տակ: