Քսենիա Սոբչակը պատասխանել է լուրերին, թե հեռանում է Ռուսաստանից
Հեռուստահաղորդավարուհի Քսենիա Սոբչակը հերքել է լուրերն այն մասին, որ մեկնում է Ռուսաստանից։ Նա իր «Кровавая барыня» ալիքում պատմել է, որ հանգստի է մեկնում։
«Ես մեկնում եմ, բայց չեմ հեռանում։ Հիմա երեխան դպրոցական արձակուրդում է, եւ մենք հանգստի ենք մեկնում, որը վաղուց է ծրագրված (խոստումը, որը տրվել է նույնիսկ երեխային, հարկավոր է կատարել)։ Ես այդ կերպ հետեւում եմ սեփական խորհրդին՝ չտրվել խուճապի։ Ես ռուս եմ, Ռուսաստանի քաղաքացի, ոչ մի տեղ չեմ արտագաղթում, ես ոչ մի այլ քաղաքացիություն, զբոսանավեր չունեմ։ Ամուսինս Մոսկվայում է, վաղը գնացեք «Дядя Лёва» ներկայացմանը, նա խաղում է դրանում։ Փորձեր է անում եւ թատրոնը պատրաստում բացման։ Այնպես որ, այսպիսի նորություններ, ոչ մի չծրագրված մեկնում չկա, ամեն ինչ կարգին է»,- սոցիալական ցանցերում նշել է 40-ամյա հաղորդավարուհին։
Ավելի վաղ հաղորդվում էր, թե հեռուստահաղորդավարուհին հեռացել է Ռուսաստանից։