Մեքսիկան առաջինը Լատինական Ամերիկայում հաստատել է Pfizer-ի դեղահաբերը COVID-19-ի դեմ
Մեքսիկայի սանիտարական ռիսկերից պաշտպանության դաշնային հանձնաժողովը (իսպ.՝ Cofepris) թույլտվություն է տրամադրել ամերիկյան Pfizer ընկերության կողմից արտադրված COVID-19-ի դեմ Paxlovid դեղահաբերի արտակագր օգտագործման համար։ Այս մասին ուրբաթ հայտնել է երկրի կառավարության մամուլի ծառայությունը, փոխանցում է ՏԱՍՍ-ը։
Cofepris-ը հաստատել է Pfizer's Paxlovid-ի արտակարգ օգտագործումը բուժման համար: Հաբերը կնշանակվեն «մեղմ եւ միջին ծանրության COVID-19-ով եւ բարդությունների վտանգի տակ գտնվող չափահաս հիվանդներին»։
Անցյալ շաբաթ Cofepris-ն արդեն հաստատել էր մոլնուպիրավիրի արտակարգ կիրառումը, որն արտադրվում է ամերիկյան Merck եւ Ridgeback Biotherapeutics ընկերությունների կողմից: «Այս դեղերը կարեւոր դեր կխաղան Մեքսիկայում հոսպիտալացումների թվի կրճատման գործում, ուստի մենք ուրախ ենք լինել առաջին երկիրը Լատինական Ամերիկայում, որը հավանություն է տվել դրանց արտակարգ օգտագործմանը»,- ասել է հանձնաժողովի ղեկավար Ալեխանդրո Սվարչ Պերեսը:
Paxlovid-ն արտադրվում է երկու տեսակի հաբերի տեսքով, որոնք պետք է միասին ընդունվեն օրական երկու անգամ հինգ օրվա ընթացքում: Փորձարկումների երկրորդ փուլի տվյալների համաձայն՝ այս դեղամիջոցը 89 տոկոսով նվազեցնում է հոսպիտալացման կամ մահվան վտանգը կորոնավիրուսով վարակվելուց հետո։ ԱՄՆ Առողջապահության եւ մարդկային ծառայությունների նախարարության Սննդի եւ դեղամիջոցների վարչությունը դեկտեմբերի 22-ին հավանություն է տվել Paxlovid-ի արտակարգ օգտագործմանը:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները