Լեռնային Ղարաբաղի հակամարտությունը լուծված չէ. Ֆրանսիայում արձագանքել են Ալիևի հայտարարություններին
Ֆրանսիացի պատգամավոր, Արտաքին հարաբերությունների հանձնաժողովի անվտանգության և պաշտպանության ենթահանձնաժողովի նախագահ Նատալի Լոիզոն կոշտ արձագանքել է Ադրբեջանի դեսպան Ռահման Մուստաֆաևին, որը իր Twitter-ում Ալիևի հայտարարությունն էր տեղադրել, թե Մինսկի խումբը չպետք է զբաղվի Ղարաբաղյան հակամարտությամբ, քանի որ այն լուծվել է:
«Պարո՛ն դեսպան, դիվանագիտությունն առաջին հերթին այն է, որ հարգանքով է վերաբերվում այն երկրին, որտեղ պատիվ ունի ծառայելու։ Ֆրանսիան Մինսկի խմբի համանախագահն է, և Դուք ձևացնում եք, թե հրաժարվում եք դրանից։ Լեռնային Ղարաբաղի հակամարտությունը չի կարգավորվել, հրադադարի ռեժիմը չի պահպանվում, Հայաստանը երեկ 3 զոհ է ունեցել»,- պատասխանել է Լոիզոն։