Ալմաթիի կենտրոնում ինտենսիվ փոխհրաձգություն է սկսվել

Ղազախական Ալմաթիի կենտրոնական հրապարակում հարաբերականորեն տեւական անդորրից հետո ինտենսիվ հրաձգություն է սկսվել, հաղորդում է «ՌԻԱ Նովոստի»-ն։

Նշվում է, որ անկարգությունների մասնակիցներ չեն նկատվել։ Ամենայն հավանականությամբ հրաձգությունն ընթանում է ավելի վաղ «Միր» հեռուստաալիքի շենքում բարիկադավորված զինյալների եւ ուժայինների միջեւ։ ՆԳ նախարարությունը տեղեկացրել է, որ իրավապահ մարմինները վերահսկում են հասարակական կարգն ու իրականացնում փողոցների՝ զինյալներից «մաքրման» գործողություն։