Զախարովան մեկնաբանել է Ղազախստանին տրամադրվող ՀԱՊԿ օգնության վերաբերյալ Բորելի խոսքերը
ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է ՀԱՊԿ-ի կողմից Ղազախստանին տրամադրվող ռազմական օգնության վերաբերյալ Եվրամիության արտաքին քաղաքականության ծառայության ղեկավար Ժոզեպ Բորելի խոսքերը։
Իր Telegram-ի ալիքում նա աջակցել է Բորելի՝ ծայրահեղականության խրախճանքից խուսափելու անհրաժեշտության վերաբերյալ հայտարարությունը: Նրա խոսքով, «օրը երկու անգամ խափանված ժամացույցն էլ է ճիշտ ժամանակը ցույց տալիս»:
Ավելի վաղ Բորելն ասել էր, որ ՀԱՊԿ-ի կողմից Ղազախստանին տրամադրվող ռազմական օգնությունը մտքեր է առաջացնում իրավիճակների մասին, «որոնց վերաբերյալ հիշողություններից ավելի լավ է խուսափել»։
Զախարովան նաև հեգնանքով է պատասխանել Սպիտակ տան մամուլի քարտուղար Ջեն Փսակիի խոսքերին, որը հայտարարել էր, որ Վաշինգտոնը չգիտի, արդյոք օրինական է եղել երկրում ՀԱՊԿ ուժեր տեղակայելու Ղազախստանի իշխանությունների խնդրանքը։
Ի պատասխան ռուս դիվանագետը մատնանշել է, որ արդեն սովորական է դարձել, որ Վաշինգտոնի որոշ ներկայացուցիչներ «ամեն ինչ չէ, որ հասկանում են՝ դա ներկայացնելով որպես ամերիկյան դիրքորոշում»։