Գնահատվել են Ղազախստանում անկարգությունների պատճառով հասցված վնասները
Այս օրերին Ղազախստանում ընթացող անկարգություններն ընդհանուր առմամբ պատճառել են 79 միլիոն դոլարի վնաս։ Այս մասին հաղորդում է «Sputnik Ղազախստան»-ը, նշելով, որ հիմնականում տուժել են առեւտրի կենտրոնները, փոքր եւ միջին բիզնեսի օբյեկտները։
Հաղորդագրության մեջ նշվում է, որ հարձակման թիրախ են դարձել հատկապես խոշոր առեւտրային ցանցերի խանութները, լինեն դրանք պարենային կամ ոչ պարենային ապրանքների վաճառք իրականացնողներ՝ Ուրալսկում, Շամքենդում, Ալմաթիում, Թալդիքորգանում։