«Warner Music»-ը 250 միլիոն դոլարով ձեռք է բերել Դեյվիդ Բոուիի բոլոր ալբոմների իրավունքները

Ամերիկյան «Warner Music» ընկերությունը Դեւիդ Բոուիի ժառանգներից ձեռք է բերել նրա բոլոր երգերի իրավունքները, հայտնում է Variety-ն։ Երաժիշտը դրանք կտակել էր կնոջն ու երկու երեխաներին։

«Մի քանի ամիս տեւած բանակցություններից հետո երգչի ստեղծագործություն վաճառվէլ է։ Ցանկը (կոմպոզիցիաների ցանկը, որոնց իրավունքները ձեռք են բերվել) ընդգրկում է վեց տասնյամակ եւ ներառում այնպիսի երգեր, ինչպիսիք են «Heroes», «Changes», «Space Oddity», «Fame», «Let's Dance», «Rebel Rebel»»,- գրում է պարբերականը՝ վկայակոչելով անանուն աղբյուրի։

Բացի այդ՝ համաձայնագիրն առնչվում է նաեւ «Tin Machine» խմբի երկու ստուդիական ալբոմներին, որի մենակատարը եղել է Բոուին, ինչպես նաեւ որոշ այլ սինգլների։ Պարբերականը նշում է, որ գործարքի արդյունքում Դեւիդ Բոուիի գրեթե բոլոր երգերը փոխանցվում են «Warner» կոնցերնին։

Ավելի վաղ հայտնի է դարձել, որ «Toy» սկավառակը, որը պետք է թողարկվեր 2000-ականների սկզբին, կթողարկվի ձայնագրումից 20 տարի անց։ Դրանում ներառված կլինեն մի քանի օրիգինալ երգեր, ինչպես նաեւ Բոուիի հին երգերի վերամշակված տարբերակներ։