Մենք հիմա շատ հետ ենք անգամ Սուդանից. այնտեղ ցույցերից հետո վարչապետը հրաժարական է տվել
Սուդանի վարչապետ Աբդուլլահ Համդուկը հրաժարական է տվել հերթական զանգվածային բողոքի ցույցերից հետո, որոնք ցնցել են մայրաքաղաք Խարթումը, հայտնում է BBC-ն։
Հազարավոր մարդիկ երթի են դուրս եկել ընդդեմ հոկտեմբերին հեղաշրջում իրականացրած բանակի հետ իշխանությունը կիսելու նրա վերջին գործարքի:
«Իշխանությունը ժողովրդին» վանկարկելով՝ ցուցարարները կոչ են արել վերադառնալ լիարժեք քաղաքացիական կառավարման։ Սակայն զինվորականները ճնշել են բողոքի ցույցերը, ինչի հետեւանքով երկու մարդ է զոհվել։ Հրաժարական տալու Համդուկի որոշումը երկիրը թողնում է բանակի լիարժեք վերահսկողության տակ։
Սա եւս մեկ հարված է ժողովրդավարական կառավարման անցնելու Սուդանի փխրուն փորձերին այն բանից հետո, երբ ժողովրդական ապստամբությունը 2019 թվականին հանգեցրեց ավտորիտար նախագահ Օմար ալ-Բաշիրի պաշտոնանկությանը, նշում է BBC-ն։
Քաղաքացիական եւ ռազմական առաջնորդները իշխանության բաժանման ոչ հեշտ համաձայնագիր են կնքել այն բանից հետո, երբ բանակը հոկտեմբերի 25-ին հեղաշրջում իրականացրեց եւ վարչապետ Համդուկին տնային կալանքի տակ դրեց:
Ըստ Համդուկի հետ նոյեմբերին ձեռք բերված համաձայնագրի՝ պաշտոնում վերականգնված վարչապետը մինչեւ ընտրությունների անցկացումը պետք է ղեկավարեր նախարարների կաբինետը։ Սակայն պարզ չէ, թե ինչ իշխանություն կունենա նոր քաղաքացիական կառավարությունը, իսկ ցուցարարները հայտարարել են, որ չեն վստահում զինվորականներին:
Հազարավոր մարդիկ կիրակի օրը դուրս են եկել մայրաքաղաք Խարթումի եւ Օմդուրման քաղաքի փողոցներ՝ վանկարկելով եւ զինվորականներին կոչ անելով հանգիստ թողնել քաղաքականությունը։
Սոցցանցերում ակտիվիստները հայտարարել են, որ 2022 թվականը «դիմադրության շարունակման տարի» կդառնա։
Հեղաշրջումից հետո բողոքի ցույցերի ընթացքում ավելի քան 50 մարդ է սպանվել, այդ թվում՝ առնվազն երկուսը՝ կիրակի օրը, հայտնում է Սուդանի բժիշկների դեմոկրատամետ կենտրոնական կոմիտեն։
Հեղաշրջման առաջնորդ գեներալ Աբդել Ֆաթահ ալ-Բուրհանը հանդես է եկել անցած հոկտեմբերին տեղի ունեցած հեղաշրջման պաշտպանությամբ՝ հայտարարելով, որ բանակը գործել է քաղաքացիական պատերազմը կանխելու համար: Նա հայտարարել է, որ Սուդանը նախկինի պես հավատարիմ է քաղաքացիական կառավարմանն անցմանը, իսկ ընտրությունները նախատեսված են 2023 թվականի հուլիսին:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները