Բոլիվիայի ոստիկանությունը զեկուցել է 2021 թվականին առգրավված կոկաինի ռեկորդային խմբաքանակի մասին

Բոլիվիայի ոստիկանությունը զեկուցել է 2021 թվականին առգրավված կոկաինի ռեկորդային խմբաքանակի մասին՝ 20 տոննա, փոխանցում է ՏԱՍՍ-ը՝ հղում անելով հարավամերիկյան հանրապետության ներքին գործերի նախարարությանը։

«Ներքին գործերի նախարար Էդուարդո դել Կաստիլյոն հայտարարել է կառավարության աշխատանքի ընթացքում հասած պատմական ռեկորդի մասին։ Առգրավվել է ավելի քան 20 տոննա թմրանյութ»,-ասվում է հաղորդագրության մեջ։

Նշվում է, որ այս տարի Բոլիվիայի իրավապահներն առգրավել են նաեւ 20 ինքնաթիռ եւ ուղղաթիռ, ոչնչացրել են ավելի քան 50 գաղտնի լաբորատորիաներ եւ կալանավորել 2768 մարդու։

Ավելի վաղ Անդերում հայտնաբերվել է 433 կգ կոկաին։