Մինսկը բելառուսական «Ազատություն» ռադիոկայանի ինտերնետային ռեսուրսները ճանաչել է ծայրահեղական կազմավորում
Բելառուսի ներքին գործերի նախարարությունը բելառուսական «Ազատություն» ռադիոկայանի ինտերնետային ռեսուրսները ճանաչել է ծայրահեղական կազմավորում։ Այս մասինհայտնել է ՆԳՆ մամուլի ծառայությունը Telegram-ի իր ալիքում։
«2021 թվականի դեկտեմբերի 23-ին ՆԳՆ-ն «Радыё Свабода»-ի ինտերնետային ռեսուրսների միջոցով միավորված մի խումբ քաղաքացիների ճանաչել է ծայրահեղական կազմավորում»,-ասվում է հաղորդագրության մեջ։
ՆԳՆ-ն հիշեցրել է, որ նշված ծայրահեղական կազմավորման ստեղծողների, առաջնորդների, ինչպես նաեւ դրա մասնակիցների գործողությունները հանցագործություն են Բելառուսի Քրեական օրենսգրքի 3 61-1 հոդվածով, որի համար մինչեւ 7 տարվա ազատազրկում է սպառնում։