ԶԼՄ-ներ. Բաղդադում գնդակոծվել է թաղամասը, որտեղ տեղակայված է ԱՄՆ դեսպանատան թաղամասը
Կիրակի վաղ առավոտյան գնդակոծվել է Բաղդադի Կանաչ գոտին՝ թաղամաս Իրաքի մայրաքաղաքում, որտեղ դեսպանատներ են տեղակայված, այդ թվում՝ ԱՄՆ դեսպանատունը, հաղորդում է Agence France-Presse-ը՝ վկայակոչելով Իրաքի անվտանգության ուժերի հայտարարությունը, փոխանցում է «ՌԻԱ Նովոստի»-ն:
Գործակալության մեջբերված հայտարարության համաձայն՝ առաջին հրթիռը խոցվել է դեռ օդում, իսկ երկրորդն «ընկել է հրապարակում՝ վնասելով երկու ավտոմեքենա»։
Բաղդադի «կանաչ գոտին», ինչպես նաեւ` միջազգային օդանավակայանը, որը հարում է ռազմական օդանավակայանին, ժամանակ առ ժամանակ ինքնաշեն կայաններից հրթիռային հարվածների թիրախ են դառնում։ Բացի այդ, գնդակոծվում են Իրաքի տարածքում գտնվող օտարերկրյա ռազմակայանները։ Շատ դեպքերում նման միջադեպերը բնակչության շրջանում զոհերի եւ զգալի վնասների չեն հանգեցնում։