Կիմ Չեն Ընի քրոջ պաշտոնը բարձրացվել է
Հարավկորեական Yonhap գործակալությունը տեղեկացրել է, որ Հյուսիսային Կորեայի առաջնորդի քույրը՝ Կիմ Յո Չժոնը, նոր՝ ավելի բարձր պաշտոն է զբաղեցրել երկրի պետական ապարատում, փոխանցում է «ГазетаРу»-ն։
Այս տեղեկությունը հիմնվում է հյուսիսկորեական ԶԼՄ-ների տվյալների վրա, որոնց համաձայն՝ Հյուսիսային Կորեայի նախորդ առաջնորդ Կիմ Չեն Իրի մահվան տարելիցին նվիրված հիշատակի արարողությունների ժամանակ Կիմ Յո Չժոնը լուսանկարներից մեկում Կորեայի Աշխատանքային կուսակցության Կենտկոմի քաղբյուրոյի ներկայացուցիչների հետ էր պատկերված։ Բացի այդ, նրա անունը հնչել է քաղբյուրոյի գործող ութ անդամներին թվարկելիս։
Չնայած պաշտոնական տեղեկության բացակայությանը՝ նշվում է, որ ստացված տեղեկությունները կարող են նշանակել, որ Կիմ Յո Չժոնը կարող էր զբաղեցնել քաղբյուրոյի անդամի կամ տեղակալի պաշտոնը։