Հյուսիսային Եվրոպայի եւ Բալթյան երկրները չեն ընդունել ՆԱՏՕ-ի վերաբերյալ Ռուսաստանի առաջարկները
Հյուսիսային Եվրոպայի եւ Բալթյան երկրների պաշտպանության նախարարություններում հայտարարել են, որ արեւմտյան երկրները չեն կարող համաձայնել ՆԱՏՕ-ի վերաբերյալ Ռուսաստանի առաջարկներին։ Այս մասին տեղեկացնում է ՌԻԱ «Նովոստի»-ն՝ հղում կատարելով Էստոնիայի պաշտպանության նախարարության մամուլի ծառայությանը։
Նրանց խոսքով՝ Հյուսիսային Եվրոպայի եւ Բալթյան երկրների պաշտպանության նախարարները տեսակոնֆերանս են անցկացրել, որի ընթացքում եկել են այն եզրակացության, որ Ռուսաստանն ամենամեծ ռազմական սպառնալիքն է ներկայացնում Եվրոպայի համար, ուստի նրանք չեն կարող համաձայնել դաշինքի վերաբերյալ Ռուսաստանի պահանջներին։
Խոսքը Ֆինլանդիայի, Էստոնիայի, Շվեդիայի, Դանիայի, Նորվեգիայի, Լատվիայի, Լիտվայի եւ Իսլանդիայի պաշտպանության նախարարությունների մասին է։