Ռուսական արբանյակները նկարահանել են արեւի խավարումը
Ռուսական տիեզերական ապարատները շաբաթ օրը նկարահանել են արեւի խավարումը, հաղորդում է «Ռոսկոսմոս» պետական կորպորացիան, փոխանցում է «ՌԻԱ Նովոստի»-ն։
«Մի քանի ժամ առաջ արեւի խավարում եղավ։ Լուսինն ամբողջությամբ ծածկեց Արեգակը երկու րոպեից մի փոքր պակաս: Ռուսական «Էլեկտրո-Լ» № 2» հիդրոօդերեւութաբանական արբանյակը ֆիքսել է լուսնային ստվեր Երկրի մակերեսին։
Կորպորացիան հայտնում է, որ Երկրից մասնակի խավարմանը կարելի էր հետեւել Անտարկտիդայում, Հարավային Աֆրիկայում, Հարավային Ամերիկայում, Խաղաղ, Ատլանտյան եւ Հնդկական օվկիանոսների հարավային ջրերում: