Պուտինը մինչեւ տարեվերջ հանդիպումներ է նախատեսում է ԵԱՏՄ-ում եւ ԱՊՀ-ում բազմաթիվ դաշնակիցների հետ. Ուշակով
Ռուսաստանի նախագահ Վլադիմիր Պուտինը մինչեւ տարեվերջ կարող է մի շարք դեմ առ դեմ հանդիպումներ ունենալ ԵԱՏՄ եւ ԱՊՀ երկրների ղեկավարների հետ։ Այս մասին ուրբաթ լրագրողներին հայտնել է ՌԴ նախագահի միջազգային հարցերով օգնական Յուրի Ուշակովը, փոխանցել է «ՌԻԱ Նովոստի»-ն։
«Եթե վերցնենք ԵԱՏՄ-ում եւ ԱՊՀ-ում մեր դաշնակիցներին, ապա ակնարկներ կան, որ մեր նախագահը մինչեւ տարեվերջ կհանդիպի նրանցից շատերի, եթե ոչ բոլորի հետ»,- ասել է նա։
Հարցին, թե արդյոք այդ հանդիպումները անցկացվելու են դեմ առ դեմ, նա պատասխանել է, որ Կրեմլը կփորձի այդ միջոցառումները կազմակերպել «կենդանի» ձեւաչափով։