Կրեմլը հայտարարել է Պուտինի եւ Բայդենի միջեւ կայանալիք բանակցությունների մասին
ՌԴ նախագահ Վլադիմիր Պուտինի եւ ԱՄՆ նախագահ Ջո Բայդենի միջեւ տեսակապով հանդիպման ամսաթիվը նախնական հաստատվել է, այն կհայտարարվի ամերիկյան կողմի հետ համաձայնեցնելուց հետո։ Այս մասին ասել է ՌԴ նախագահի օգնական Յուրի Ուշակովը, փոխանցում է ՏԱՍՍ-ը։
«Դիտարկում ենք Պուտինի եւ Բայդենի միջեւ տեսահամաժողովի ձեւաչափով շփման հնարավորությունը։ Ընդ որում, այդ շփումը կարող է տեղի ունենալ առաջիկա մի քանի օրվա ընթացքում։
Մենք ունենք կոնկրետ օր եւ ժամ, բայց ավելի լավ է սպասել ամերիկյան կողմի հետ բոլոր պարամետրերի վերջնական համաձայնեցմանը։ Տեսահամաժողովի ձեւաչափով այս հանդիպումը ակտիվորեն նախապատրաստվում է»,-ասել է Ուշակովը։