ԵՏՀ ներկայացուցիչը նշել է ԵԱՏՄ երկրներում ամենապահանջված մասնագիտությունները
Եվրասիական տնտեսական միության աշխատաշուկայում պահանջարկ ունեցող մասնագիտությունների ցանկը կազմվել է ԵԱՏՄ անդամ երկրների ազգային վիճակագրական կոմիտեների տրամադրած տվյալների հիման վրա։ Այս մասին դեկտեմբերի 3-ին Մոսկվա-Բիշքեկ-Երեւան-Նուր-Սուլթան-Մինսկ տեսակամուրջի ժամանակ հայտարարել է Եվրասիական տնտեսական հանձնաժողովի աշխատանքային միգրացիայի եւ սոցիալական պաշտպանության դեպարտամենտի տնօրեն Ալտինայ Օմուրբեկովան՝ հրապարակելով այդ ցուցակը։
Այդպես, եթե երեք եւ ավելի երկրներում այդ մասնագիտությունը պահանջված է եղել, այն անմիջապես ներառվել է ցանկում։
«Այսօր պահանջարկ ունեն առողջապահության ոլորտի աշխատակիցները, ինչը զարմանալի չէ կորոնավիրուսի համավարակից հետո։ Խոսքը, մասնավորապես, վարակաբանների, վերակենդանացման մասնագետների, անեսթեզիոլոգների, լաբորանտների, համաճարակաբանների, ընդհանուր պրակտիկայի բժիշկների մասին է։ Կրթության ոլորտի մասնագետների մեծ պահանջարկ կա հատկապես STEM ուղղությունների մասով։ Գրեթե բոլոր երկրները նշել են այս միտումը»,- պարզաբանել է Օմուրբեկովան:
Բացի այդ, պահանջված են նաեւ ԵԱՏՄ անդամ երկրներում ՏՏ տեխնոլոգիաների ոլորտի մասնագետները։ Պահանջված ոլորտների թվում են նաեւ շինարարությունը, գյուղատնտեսությունը եւ արդյունաբերությունը։
«Արդյունաբերության ոլորտում ամենապահանջվածը հանքարդյունաբերության եւ արտադրության ոլորտի մասնագետներն են։ Ամենաշատը պահանջված են ավտոմոբիլային տրանսպորտի, հանրային ծառայությունների, ծառայությունների, բնակարանային եւ կոմունալ ծառայությունների, շինարարության, գյուղատնտեսության եւ արդյունաբերության ոլորտների աշխատակիցները»,- ասել է ԵՏՀ դեպարտամենտի ղեկավարը։
Նա նաեւ հայտնել է, որ նշված ցուցակը կքննարկվի հանձնաժողովի կոլեգիայում։
«Երկրորդ փուլում նախատեսվում է մշակել այդ ոլորտների որակավորման պահանջները։ Աշխատաշուկան անքակտելիորեն կապված է մասնագիտական ուսուցման եւ կրթության համակարգի հետ։ Հանձնաժողովի կայքում տեղադրված պահանջարկ ունեցող մասնագիտությունների ցանկն ուղեցույց է լինելու, որը կօգնի կողմնորոշվել նաեւ կրթական համակարգում, ընդգծել է Օմուրբեկովան:
Նա նաեւ հավելել է, որ անհրաժեշտության դեպքում ցանկացած մարդ հեշտությամբ կարող է ծանոթանալ պահանջարկ ունեցող մասնագիտությունների ամբողջական ցանկին։ Այն հրապարակված է ԵՏՀ կայքում՝ Աշխատանքային միգրացիայի եւ սոցիալական պաշտպանության դեպարտամենտի բաժնում։
.
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Մակրոնը և Սթարմերը Ուկրաինայի հարցով հանդիպում են հրավիրել
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԱՄՆ-ի գործողությունները Հորմուզի նեղուցում փակուղի են. Արաղչի
Կասեցվել է Արդենիս գյուղում գործող կաթնամթերքի արտադրամասի գործունեությունը․ ՍԱՏՄ
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
ԵՔՀ 8-րդ գագաթնաժողովի բացման արարողությունը Երևանում. ուղիղ
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա