Ռուսաստանը եւ Չինաստանը տարբեր գաղափարախոսություններ ունեցող երկրների խաղաղ գոյակցության կոչ են արել

ԱՄՆ-ում Ռուսաստանի եւ Չինաստանի դեսպաններ Անատոլի Անտոնովը եւ Ցին Հանը National Interest-ում հրապարակված հոդվածում տարբեր գաղափարախոսական եւ սոցիալական համակարգեր ունեցող երկրների խաղաղ գոյակցության եւ փոխշահավետ համագործակցության կոչ են արել, գրում է Gazeta-ն։

«Չինաստանը եւ Ռուսաստանը կոչ են անում երկրներին դադարեցնել «արժեքակողմնորոշված դիվանագիտության» օգտագործումը՝ պառակտում եւ առճակատում հրահրելու համար, հավատարիմ մնալ փոխադարձ հարգանքին եւ փոխշահավետ համագործակցության մեջ մտնել միջազգային հարաբերություններում եւ աշխատել տարբեր գաղափարախոսություններ ունեցող երկրների միջեւ ներդաշնակ գոյակցության ուղղությամբ»,-ասվում է հայտարարության մեջ։

Հեղինակները նաեւ մեղադրել են ԱՄՆ-ին, որը չի հրավիրել Չինաստանին եւ Ռուսաստանին Հանուն ժողովրդավարության գագաթնաժողովին։ Անտոնովը եւ Հանը Վաշինգտոնին խորհուրդ են տվել Մոսկվային եւ Պեկինին քննադատելու փոխարեն կենտրոնանալ սեփական խնդիրների վրա՝ որպես օրինակ բերելով ցույցերը ռետինե փամփուշտներով եւ արցունքաբեր գազով ցրելը։