Վիսքոնսինում մարդկանց մեջ մեքենայի մխրճվելու հետեւանքով հինգ մարդ զոհվել է
Հինգ մարդ զոհվել, ավելի քան քառասունը վիրավորվել է այն պատճառով, որ մեքենան կիրակի երեկոյան (տեղի ժամանակով), սուրբծննդյան շքերթի ժամանակ մխրճվել է ամբոխի մեջ Ուոքեշ քաղաքի կենտրոնում (Վիսքոնսինի նահանգ), տեղեկացնում է «Ինտերֆաքսը»՝ հղում կատարելով The Washington Post թերթին։
Իշխանությունները գտել են վրաերթ կատարած մեքենան, մեկ մարդ կալանավորվել է, The Washington Post-ը մեջբերում է Ուոքեշի ոստիկանության պետի՝ Դեն Թոմպսոնի տվյալները։
Ավելի վաղ տեղեկացվել էր մեկ մարդու զոհվելու մասին. ամենագնացը տապալել էր պատնեշները եւ մտել անցորդների համար հատկացված հատված, որտեղ տեղի էր ունենում սուրբծննդյան շքերթը։