ՌԴ գլխավոր դատախազությունը Թ․ Իսմայիլովին ապաստան տրամադրելու որոշումը չեղարկելու միջնորդություն է ուղարկել Չեռնոգորիա
Ռուսաստանի Դաշնության գլխավոր դատախազությունը միջնորդություն է ուղարկել Չեռնոգորիա՝ գործարար Թելման Իսմայիլովին ապաստան տրամադրելու մասին որոշումը չեղարկելու խնդրանքով, հայտնում է ՏԱՍՍ-ը՝ հղում անելով գերատեսչության մամուլի ծառայությանը։
«2021 թվականի հոկտեմբերի 25-ին դիմում է ուղարկվել Չեռնոգորիայի ներքին գործերի նախարարին, արդարադատության, մարդու իրավունքների եւ փոքրամասնությունների նախարարության համակարգողին՝ Թ. Մ. Իսմայիլովի վերաբերյալ Չեռնոգորիայի իրավասու մարմինների դիրքորոշման հետ անհամաձայնության մասին՝ նրան ապաստան տրամադրելու մասին որոշումը չեղարկելու միջնորդությամբ»,- ասվում է հաղորդագրության մեջ։