Աֆղանստանը կարող է բախվել «երբեւէ մեր տեսած» վատթարագույն հումանիտար ճգնաժամին
Միլիոնավոր մարդիկ մահանում են քաղցից, գրեթե ամբողջ ազգաբնակչությունը աղքատության շեմին է, եւ այս պայմաններում Աֆղանստանը կարող է բախվել «երբեւէ տեսած» վատթարագույն հումանիտար ճգնաժամին»,- CNBC-ին ասել է Միավորված Ազգերի Կազմակերպության Զարգացման ծրագրի ներկայացուցիչը։
Մոտ 23 մլն մարդ պարենի կարիք ունի, 20 մլրդ դոլար արժողությամբ տնտեսությունը կարող է կրճատվել 4 մլրդ դոլարով, եւ 38 միլիոնանոց բնակչության 97 տոկոսը աղքատության շեմին հայտնվելու վտանգի առջեւ է, ասել է Աֆղանստանում ՄԱԿ ԶԾ մշտական ներկայացուցիչը։
«Աֆղանստանը, հավանաբար, բախվել է ամենալուրջ հումանիտար աղետին, որը երբեւէ տեսել ենք»,- ասել է Ալ Դարդարին։ «Մենք երբեք այս մասշտաբի տնտեսական շոկ չենք տեսել»։ Նա ավելացրել է, որ հումանիտար ճգնաժամի եւ հիմնական ծառայությունների ֆինանսավորումը վճռական նշանակություն ունի կյանքի եւ գոյության միջոցների պահպանման համար կենտրոնաասիական այս երկրում։