Էնթոնի Բլինքեն. Ռուսաստանը «կարող է եւ պետք է քայլեր ձեռնարկի էներգետիկ ճգնաժամը մեղմման համար
Միացյալ Նահանգները հետեւում են այն «նշաններին, որ Ռուսաստանը կարող է էներգիան որպես քաղաքական գործիք օգտագործել Եվրոպայի էներգետիկ ճգնաժամի պայմաններում»: Այս մասին հայտարարել է պետքարտուղար Էնթոնի Բլինքենը՝ հավելելով, որ Վաշինգտոնը Գերմանիայի հետ միասին մտադիր է համապատասխան միջոցներ ձեռնարկել, եթե Մոսկվան գնա այդ ճանապարհով, հայտնում է Reuters-ը։
Բլինքենը եւ Ուկրաինայի արտգործնախարար Դմիտրի Կուլեբան հանդիպել են Պետդեպարտամենտում եւ ռազմավարական գործընկերության խարտիա են ստորագրել։ Քննարկումները կենտրոնացած էին Ռուսաստանի վրա, որը, ըստ Կուլեբայի, արդեն «գազի մատակարարումները որպես զենք» են օգտագործում:
Բլինքենն ասել է, որ Վաշինգտոնը նույնպես անհանգստացած է Ուկրաինայի հետ սահմանի մոտ «ռուսական անսովոր ռազմական ակտիվության» մասին լուրերի կապակցությամբ՝ զգուշացնելով, որ էսկալացիան կամ ագրեսիվ գործողություններն անհանգստություն կառաջացնեն Միացյալ Նահանգներում:
«Ռուսաստանը կարող է եւ պետք է քայլեր ձեռնարկի էներգետիկ ճգնաժամը մեղմելու համար՝ գազի մատակարարումների ավելացման հաշվին»,- ասել է Բլինքենը:
Խարտիայում Միացյալ Նահանգները խոստանում են աջակցել Ուկրաինայի` «Ռուսաստանի զինված ագրեսիային, տնտեսական եւ էներգետիկ խափանումներին եւ վնասակար կիբեր գործունեությանը հակազդելու ջանքերին, այդ թվում՝ Ռուսաստանի դեմ պատժամիջոցների պահպանման եւ այլ համապատասխան միջոցների կիրառման միջոցով»:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Սամվել Կարապետյանին կալանավորելու միջնորդություն է ներկայացվել
Էլեկտրաէներգիայի ընդհատումներ կլինեն Երևանում և մարզերում․ հասցեներ
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
Սիթի ՍՊ ընկերության մի քանի աղցանի արտադրությունը կասեցվել է
Քննարկվել են Երևանի և Սյունիքի մաքսային և լոգիստիկ կենտրոնների կառուցման ծրագրերը