Յուլյա Պերեսիլդը պատմել է, որ տիեզերք թռչելուց առաջ կտակ է գրել երեխաներին

Ռուս դերասանուհի Յուլյա Պերեսիլդը YouTube-յան «Скажи Гордеевой» ալիքին տված հարցազրույցում խոստովանել է, որ Միջազգային տիեզերակայան թռիչքից առաջ երեխաներին հրաժեշտի նամակներ է գրել։

«Ես գրել էի նրանց, որ այդպես լինում է։ Ինչ-որ խնդրանքներ, որպեսզի իրենց պահեն այնպես, ինչպես հարկն է։ Ես զգում էի, որ ամեն ինչ լավ կլինի, բայց չէի կարող չգրել։ Դա կարծես անպատասխանատու քայլ լիներ», - արցունքներն աչքերին պատմել է Պերեսիլդը։

Դերասանուհին չի բացառել, որ կարող էր տուժել կամ զոհվել թռիչքի ժամանակ կամ հենց կայարանում։

«Ես շատ եմ ուզում, որ իմ երեխաները հավատան հերոսներին, արարքներին։ Բլոգերներից եւ տիկտոկերներից առաջ անցնելը շատ դժվար է, իսկ ես շատ էի ցանկանում դա», — ամփոփել է Պերեսիլդը։

Ռեժիսոր Կլիմ Շիպենկոն եւ դերասանուհի Յուլյա Պերեսիլդը 12 օրով տիեզերք են մեկնել «Մարտահրավեր» ֆիլմի նկարահանումների համար: Հոկտեմբերի 17-ին նրանք վերադարձել են։