Google-ի Քարտեզներ հավելվածը Android-ի վրա տեղադրել են ավելի քան 10 մլրդ անգամ

Google-ի քարտեզագրական ծառայությունն ընկերության ամենամեծ տարածում ունեցողներից մեկն է, որի հետ ամեն օր փոխգործակցում են միլիոնավոր օգտատերեր ամբողջ աշխարհում։ Google-ի Քարտեզներ հավելվածի մեծ պահանջվածությունը նպաստել է այն բանին, որ նրա բեռնումների թիվը Play Մարքեթ պաշտոնական խանութից գերազանցել է 10 մլրդ անգամը, տեղեկացնում է 3dnews.ru-ն՝ հղում կատարելով 9to5 Google-ին։

Հաշվի առնելով, որ Google-ի Քարտեզները գրեթե նմանակը չունի, ծառայությունը շարունակում է պահանջված լինել ոչ միայն Android սարքերում, այլեւ սմարթֆոնների համար, որոնք աշխատում են iOS կառավարմամբ։ Այժմ հավելվածը Android-ի համար հաղթահարել է 10 մլրդ բեռնման սահմանը, ինչը մինչ այդ հաջողվել էի միայն YouTube-ին եւ Google Play-ին։

Իհարկե, պետք է հաշվի առնել, որ Google-ի Քարտեզները Google Mobile Services-ի մասն են եւ տեղադրվում են Android շատ սարքերում։ Այնուամենայնիվ, 10 մլրդն տպավորիչ թիվ է։ Բացի Google-ի ստանդարտ տարբերակից, գոյություն ունի նաեւ պարզեցված Maps Go հավելվածը՝ նախատեսված Android Go ավելի էժան սարքերում օգտագործման համար։ Հավելվածի այս տարբերակը հատել է 500 մլն բեռնումների սահմանը, ինչը նույնպես տպավորիչ է։

Հավելվածի տարածվածության աճին նպաստել է Google-ի անընդհատ աշխատանքը ծառայության բարելավման եւ նոր ինտեգրացիոն հնարավորությունների ուղղությամբ։ Վերջին տարիներին սերվիսը ավելի ճշգրիտ է դարձել, այն սովորել է ցույց տալ հանրային տրանսպորտի մասին տվյալները օնլայն ռեժիմով, ստացել է մութ ռեժիմի աջակցությունը եւ այլն։ Շատ մարդկանց համար Google-ի Քարտեզներ սերվիսը ամենօրյա օգտագործման կատարյալ տարբերակ է։