Ամենն` ըստ ծրագրածի․ Մեգան Մարքն Օփրա Ուինֆրիի հետ հարցազրույցի մասին համաձայնության է եկել հարսանիքից անմիջապես հետո

«Մեգզիթից» հետո արքայազն Հարին եւ Մեգան Մարքլը, որոնք հրաժարվել են թագավորական ընտանիքի ավագ անդամների պարտականություններից, տեղափոխվել են Միացյալ Նահանգներ։ Նրանք ամերիկյան լրատվամիջոցներին պարբերաբար պատմում են խնդիրների մասին, որոնք իրենց ստիպել են հեռանալ։ Ամենաաղմկահարույցը դարձել է 2021թ․-ին Օփրա Ուինֆրիին տված հարցազրույցը։ Եվ պարզվում է՝ այն նախապես ծրագրված է եղել։

Մեգանի եւ թագավորական ընտանիքի անդամների բարդ հարաբերությունների մասին լուրերը պտտվում էին նախքան նրա ու Հարիի հարսանիքը, որը տեղի է ունեցել 2018թ․-ին։ Եվ Օփրայի ստուդիայում այդ տեղեկատվությունը հաստատվել է։ Ամուսինները ոչ միայն հաստատել են երեխայի սեռը (Մեգան Մարքլն այդ ժամանակ հղի էր), այլեւ խոսել են պալատում ռասիստների եւ այն մասին, որ իրենց որդին՝ Արչին, առանց տիտղոսի է մնացել։

Այժմ «Մեգանն ու միապետության գաղտնազերծումը» գրքի հեղինակ Էնդրյու Մորթոնը հայտարարում է, որ Սասեքսի դուքսերը մանրամասն ծրագրել են իրենց քայլերը։ «Նրանք Օփրայի հետ հարցազրույցը ծրագրում էին արդեն տարիներ առաջ»,- իր կողմից անցկացված հետաքննությունից հետո հարցազրույցներից մեկում ասել է գրողը։

Մորթոնը պնդում է, որ հանուն ամուսնության դուքսերը կարող էին Մեծ Բրիտանիայից այլ երկիր հեռանալ, քանի որ Մարքլը պատրաստ չէր կյանքին պալատում, սակայն գիտակցաբար դա չեն արել։

Սակայն ամուսիններն ակնհայտորեն չեն ծրագրում դադարեցնել սպեկուլիացիաներն այդ թեմայի շուրջ։ Նրանք մինչ այժմ ներկայանում են որպես դուքս եւ դքսուհի, անկախ բացասականի ալիքից, որը դրա հետեւանքով ստեղծում են օգտատերերը, որոնց հայտարարում են՝ Մեգանն ու Հարին կորցրել են տիտղոսների իրավունքները։