Մալդիվների մոտ 80%-ը կարող է մինչեւ 2050թ․ բնակության համար ոչ պիտանի դառնալ

Մալդիվների մոտ 80%-ը կարող է մինչեւ 2050թ․ բնակության համար ոչ պիտանի դառնալ, եթե գլոբալ տաքացման ներկայիս տեմպերը շարունակվեն:

Ինչպես հայտնում է ABC News-ը՝ վկայակոչելով ԱՄՆ տիեզերական NASA-ն եւ ԱՄՆ Երկրաբանական ծառայությունը, կլիմայի գլոբալ փոփոխության պատճառով ծովի մակարդակի բարձրացումը «էքզիստենցիալ վտանգ» է ներկայացնում արշիպելագների շղթայի համար։

Ելույթ ունենալով ՄԱԿ-ի Կլիմայի փոփոխության հարցով համաժողովում (COP26)՝ Մալդիվների նախագահ Իբրահիմ Մոհամեդ Սոլիհն ասել է. «Եթե մենք չշրջենք այս միտումը, Մալդիվները կդադարեն գոյություն ունենալ այս դարի վերջին»:

Մալդիվների շրջակա միջավայրի, կլիմայի փոփոխության եւ տեխնոլոգիաների նախարար Ամինաթ Շոնը նշել է, որ «այն, ինչ մենք կարծում էինք, որ տեղի կունենա դարի վերջում, վերապրում ենք հիմա»։