Հունաստանում մեկ օրում 147 450 եվրո տուգանք է գրվել Covid-ի կանխարգելման միջոցները խախտելու համար

Հունաստանում մեկ օրում 147 450 եվրո ընդհանուր գումարով տուգանք է գրվել Covid-ի կանխարգելման միջոցները խախտելու համար, տեղեկացնում է Kathimerini-ն՝ հղում կատարելով Թափանցիկության Ազգային վարչությանը։

Կանոնների խախտման համար հրամայվել է ժամանակավորապես փակել ութ ձեռնարկություն։

Հիմնական խախտումներն էին դիմակներ չկրելը փակ տարածությունում, սոցիալական հեռավորություն չպահելը, կարանտինի խախտումը եւ այցելուներին հանրային սննդի վայրեր եւ գիշերային ակումբներ թույլատրելը առանց պատվաստման վկայականների պահանջի։

Աթենքում ոստիկանությունը կարգադրել է փակել երկու խանութ յոթ օրով եւ դրանց տերերին տուգանել է 4000-ական եվրո։ Covid-ի դեմ պատվաստման մասին անհրաժեշտ վկայականներ կամ արդեն հիվանդանալու մասին փաստաթղթեր չունեցող այցելուները տուգանվել են 300-ական եվրո։