Ավելի քան 40 երկիր ստանձնել է ածուխի կրճատման հարցով պարտավորությունները
Ավելի քան 40 երկիր ստանձնել է ածուխի կրճատման հարցով պարտավորությունները ՄԱԿ-ի Կլիմայի համաժողովի ժամանակ (COP26)։ Համաժողովի ժամանակ ստորագրվել է հռչակագիր՝ դադարեցնելու ածխով աշխատող նոր էլեկտրակայանների ֆինանսավորումը, ինչպես նաեւ փակելու գործող գործարանները զարգացած երկրներում՝ մինչեւ 2030-ականները, եւ զարգացող երկրներում՝ մինչեւ 2040-ական թթ․, հաղորդում է «Ինտերֆաքս»-ը:
Հռչակագիրը ստորագրած երկրների թվում են Լեհաստանը, Վիետնամը, Ինդոնեզիան, Չիլին: Միեւնույն ժամանակ, ածուխի խոշորագույն սպառողները՝ Չինաստանը, ԱՄՆ-ը, Հնդկաստանը, Ավստրալիան, դեռեւս չեն մասնակցում պակտին։