Իսրայելը ԱԹՍ-ներից պաշտպանության եւ ՀՀՊ նոր համակարգ է թողարկում

Իսրայելը ԱԹՍ-ներից պաշտպանության եւ ՀՀՊ նոր համակարգ է թողարկում, գրում է Times of Israel-ը։

Ռադարի հիմքով համակարգի տեղակայումը, որը պետք է տեղի ունենա մոտ ժամանակներս, հատկապես հյուսիսում երկրի հակաօդային պաշտպանական համակարգի լավացման հարցով Իսրայելի ՌՕՈւ ջանքերի մի մասն է կազմում։

Երկրի ՊՆ հաղորդմամբ՝ Sky Dew անվանումը ստացած համակարգը նախատեսված է մոտեցող հեռահար գործողության հրթիռների հայտնաբերման համար։ Իսրայելում արդեն կան մի շարք ռադարային համակարգեր մոտեցող սպառնալիքների հայտնաբերման համար, սակայն նոր աերոստատը կոչված է ավելացնելու եւ լավացնելու գործող հնարավորությունները՝ հաղորդիչներ տեղակայելով մեծ բարձրության վրա։

«Այս տեխնոլոգիան մեծացնում է օդային հսկողության պատկերների հուսալիությունն ու բարձրացնում արդյունավետությունը մի շարք թիրախների նկատմամբ»,-ասել է Israel Aerospace Industries ընկերության գործադիր տնօրեն Բոազ Լեւին։

Sky Dew աերոստատը, որն իր տեսակի մեջ ամենախոշորներից մեկն է, մշակվել է Իսրայելի հակահրթիռային պաշտպանության կազմակերպության եւ ԱՄՆ-ի հակահրթիռային պաշտպանության գործակալության համատեղ ձեռնարկության կողմից մի քանի տարի շարունակ: Համակարգը վերջին ամիսներին ենթարկվել է վերջնական փորձարկման։