Ավստրալիան Մակրոնի հաղորդագրությունները տեղադրել է համացանցում սուզանավերի գործարքի պատճառով

Ֆրանսիան Ավստրալիային մեղադրել է Ֆրանսիայի նախագահ Էմանուել Մակրոնի տեքստային հաղորդագրությունների արտահոսքի մեջ, որոնք ուղղված էին վարչապետ Սքոթ Մորիսոնին։ Ենթադրվում էր, որ գաղտնազերծված հաղորդագրությունները պետք է մերկացնեին առաջինի սուտը ֆրանսիական Naval Group կոնսորցիումի հետ սուզանավերի գործարքի վերաբերյալ, որը պատռեց Կանբերրան, գրում է France 24-ը։

Ավստրալական լրատվամիջոցները, որոնք ծանոթ են նամակագրությանը, հայտարարել են. Մակրոնը գիտեր, որ Ավստրալիայի իշխանությունները պլանավորում էին խզել գործարքը՝ պաշտոնական հայտարարությունից երկու օր առաջ: «Պետք է պատրաստվեմ լավ, թե՞ վատ լուրերի մեր սուզանավային համաձայնագրերի վերաբերյալ»,- գրել է նա Մորիսոնին ուղղված ուղերձում։ Ընդ որում, ինքը՝ Մակրոնը, բազմիցս պնդել է, որ տեղի ունեցածն անակնկալ էր։

Ավստրալիան չեղյալ հայտարարեց Ֆրանսիայի հետ սուզանավերի կառուցման 66 միլիարդ դոլար արժողությամբ պայմանագիրը՝ իր, ԱՄՆ-ի եւ Միացյալ Թագավորության միջեւ պաշտպանական եւ անվտանգության նոր գործընկերության ստորագրումից հետո: Միությունը 18 ամսում Ավստրալիայի ռազմածովային ուժերի համար միջուկային սուզանավերի ստեղծում է նախատեսում։ Պայմանագիրը ստացել է AUKUS անվանումը (Ավստրալիա, Միացյալ Թագավորություն, ԱՄՆ):