Ռուսաստանի եւ Ադրբեջանի ԱԳ նախարարները քննարկել են Ղարաբաղի վերաբերյալ հայտարարությունների իրագործումը
Ռուսաստանի Դաշնության եւ Ադրբեջանի արտգործնախարարներ Սերգեյ Լավրովը եւ Ջեյհուն Բայրամովը քննարկել են երկկողմ հարաբերությունների արդիական հարցեր, տարածաշրջանային եւ միջազգային օրակարգեր։
ՌԴ ԱԳՆ-ի փոխանցմամբ՝ մտքերի փոխանակում է տեղի ունեցել Ադրբեջանի, Հայաստանի եւ Ռուսաստանի ղեկավարների՝ 2020 թվականի նոյեմբերի 9-ի եւ 2021 թվականի հունվարի 11-ի պայմանավորվածությունների կատարման շուրջ՝ հաշվի առնելով ԼՂ հակամարտությունում գոտում կրակի եւ բոլոր ռազմական գործողությունների դադարեցման վերաբերյալ եռակողմ հայտարարության ընդունման մոտալուտ տարելիցը:
Հայ-ադրբեջանական սահմանին լարվածության թուլացման, Հարավային Կովկասում բոլոր տրանսպորտային եւ տնտեսական կապերի ապաշրջափակման, տարածաշրջանային համագործակցության համար բարենպաստ մթնոլորտ ստեղծելու հարցերով անցկացվել է «սլաքների ճշգրտում»: Լավրովն ընդգծել է Ադրբեջանի եւ Հայաստանի միջեւ հարաբերությունների հարցերի ողջ շրջանակի քաղաքական եւ դիվանագիտական կարգավորմանն ուղղված ջանքերի շարունակականության կարեւորությունը։
Նախարարները գոհունակությամբ արձանագրել են ռուս-ադրբեջանական բազմաբնույթ ռազմավարական գործընկերության շարունակական զարգացումը»,- ասված է ՌԴ գերատեսչության հաղորդագրությունում։
Ադրբեջանի ԱԳՆ-ն հայտարարել է, որ նախարարները քննարկել են նաեւ «(տարածաշրջանում - խմբ.) տրանսպորտի եւ կապի վերականգնման աշխատանքային խմբի գործունեությունը։ Տարածաշրջանում տիրող իրավիճակի վերաբերյալ մտքեր փոխանակելիս՝ նախարարները կարեւորել են նաեւ «3 + 3» ձեւաչափով համագործակցության հարթակի զարգացումը»։
Հիշեցնենք, որ նախօրեին տեղի է ունեցել նաեւ ՌԴ եւ ՀՀ արտգործնախարարների առանձնազրույցը։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Իրանի հարստացված ուրանի պաշարները միջուկային օբյեկտների փլատակներում են
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները