Bank of America-ն կանխատեսել է Brent-ի գինը 2022 թվականին
Ամերիկյան բանկային հսկա Bank of America Corp.-ը (BofA) 2022 թվականի կեսերին Brent տեսակի նավթի գնի կանխատեսումը բարձրացրել է մինչեւ 120 դոլար բարելի դիմաց, հայտնում է Bloomberg-ը՝ վկայակոչելով BofA-ն։
«Bank of America-ն ակնկալում է, որ մինչեւ 2022 թվականի հունիսի վերջ Brent տեսակի նավթի գինը կբարձրանա մինչեւ 120 դոլար մեկ բարելի դիմաց»,- հայտնում է գործակալությունը:
Բանկը նշում է, որ համաշխարհային էներգետիկ ճգնաժամը բարձրացրել է գազի եւ ածխի գներն ամբողջ աշխարհում՝ արագացնելով Լոնդոնի եւ Նյու Յորքի նավթի էտալոնային ֆյուչերսների վերադարձն իրենց նախկին առավելագույն ցուցանիշներին:
Բացի այդ, ըստ Bloomberg-ի, BofA-ն բացատրում է, որ բենզինի պահանջարկի աճը՝ դիզելային եւ ավիավառելիքի հետ միասին, վերամշակման հզորությունների սահմանափակումներով զուգորդված, կարող է ավելի արագացնել նավթի գների աճը 2022 թվականին:
Bank of America Corp.-ն, որը հիմնադրվել է 1904 թվականին, բազմապրոֆիլային ֆինանսական հաստատություն է: BofA-ն ԱՄՆ-ի, այսպես կոչված, «մեծ քառյակի» մաս է կազմում հիմնական մրցակիցների՝ Citigroup-ի, JP Morgan Chase-ի եւ Wells Fargo-ի հետ միասին: