Փարիզում անհայտ անձը «Ալլահ աքբար» բղավելով հարձակում է գործել պահակների վրա
Փարիզում՝ Սեն Լազար կայարանում, անհայտ անձը «Ալլահ աքբար» բղավելով հարձակում է գործել պահակների վրա։ Դեպքը տեղի է ունեցել երեքշաբթի գիշերը, երբ անվտանգության ծառայության աշխատակիցները մոտեցել են առանց պաշտպանիչ դիմակի տղամարդուն։ Նա հրաժարվել է դիմակ կրել, հանել դանակն ու փորձել հարձակում գործել պահակների վրա՝ բղավելով «Ալլահ աքբար, Ֆրանսիան ղեկավարում է ԻՊ-ը»։ Պահակներին հաջողվել է կանխել հարձակումը՝ հրազենային զենք կիրառելով։
Տղամարդուն տեղափոխել են հիվանդանոց ծանր վիճակով։ Պարզվել է, որ տղամարդը նախկինում պատասխանատվության է ենթարկվել բռնության այլ ակտերի եւ հարձակումների համար։