Հարավային Կորեան եւ ԱՄՆ-ն սկսել են ՌՕՈւ համատեղ զորավարժությունները
Երկուշաբթի օրը Կորեայի Հանրապետության եւ ԱՄՆ-ի ռազմաօդային ուժերը համատեղ զորավարժություններ են սկսել: Այս մասին KBS հեռուստաալիքին հայտնել է Հարավային Կորեայի պաշտպանության նախարարության աղբյուրը, փոխանցում է ՏԱՍՍ-ը։
Նրա խոսքով՝ զորավարժությունները կտեւեն հինգ օր։ Զորավարժություններին կմասնակցի մոտ հարյուր միավոր ավիատեխնիկա, այդ թվում՝ հարավկորեական F-15K եւ KF-16 կործանիչներ, ամերիկյան F-16: Հանրապետության օդային հրամանատարությունը հրաժարվել է մանրամասներ հայտնել՝ ասելով միայն, որ զորավարժություններն ընթանում են «հավասարակշռված՝ ծրագրին համապատասխան»։