Դոնալդ Թրամփի որդին վաճառում է «Ալեք Բոլդուինն է մարդկանց սպանում» մակագրությամբ կիսաթեւ շապիկներ
ԱՄՆ նախկին նախագահ Դոնալդ Թրամփի որդին սկսել է վաճառել «Զենքը չի սպանում մարդկանց, Ալեք Բոլդուինն է սպանում մարդկանց» մակագրությամբ կիսաթեւ շապիկներ։ Նշենք, որ դերասանի եւ Թրամփների ընտանիքի միջեւ թշնամանք կա՝ քաղաքական հայացքների տարբերության պատճառով, եւ դրա համար էլ կրտսեր Թրամփը որոշել է չարախնդալ եւ գումար վաստակել Բոլդուինի հետ տեղի ունեցածից։
Ավելի վաղ, Ալեք Բոլդուինը պատահաբար սպանել էր օպերատորին՝ կինոնկարի նկարահանումների ժամանակ։ Ատրճանակը, որը օգտագործվում էր որպես ռեկվիզիտ, պետք է լիցքավորված լիներ ոչ մարտական փամփուշտներով, սակայն դրանցում եղել են մարտական փամփուշտներ: