Կանայք Քաբուլում ցույցի են դուրս եկել իրենց իրավունքների պաշտպանության պահանջով
Մի քանի կանայք Աֆղանստանի մայրաքաղաքում ցույցի են դուրս եկել՝ երկրում իշխանությունը զավթած «Թալիբան» արմատական շարժումից պահանջելով պաշտպանել իրենց իրավունքները։ Այս մասին երեքշաբթի տեղեկացնում է Aamaj News աֆղանական գործակալությունը։
«Աշխատանքի եւ կրթության իրավունքը մեր հիմնական իրավունքն է»,- գործակալությունը մեջբերում է ցույցի մասնակից կանանց կարգախոսներից մեկը։
Գործակալությունը նշում է, որ կանայք նախատեսում էին ցույց անցկացնել Աֆղանստանին աջակցության ՄԱԿ առաքելության գրասենյակի առջեւ, բայց թալիբները թույլ չեն տվել։