Էստոնիայում չպատվաստվածներին արգելել են այցելել հանրային վայրեր
Էստոնիայում երկուշաբթի օրվանից հանրային վայրեր կարող են այցելել միայն պատվաստվածները, ինչպես նաեւ կորոնավիրուսից ապաքինված բնակիչները։ Այս մասին տեղեկացրել է կառավարության մամուլի ծառայությունը։
Նրա տեղեկատվությամբ՝ հոկտեմբերի 25-ից Էստոնիայում սկսել են գործել կորոնավիրուսի տարածումը սահմանափակող նոր միջոցներ։ Կառավարության ընդունած որոշման համաձայն՝ չպատվաստված բնակիչները անգամ COVID-19-ի բացասական թեստի առկայության դեպքում չեն կարող այցելել մի շարք հանրային վայրեր, ներառյալ մարզակումբներ, հանրային սննդի կետեր, թատրոններ կինոթատրոններ, սպա-սրահներ եւ այլն։
Էստոնիայում խստացվում են նաեւ դիմակներ կրելու պահանջները։ Վաճառողները եւ ծառայություններ իրականացնողները պարտավոր են թույլ չտալ առանց դիմակի այցելուներին մտնել առեւտրային կենտրոններ եւ խանութներ։
Նախօրեին Ռիյկիկոգուի (խորհրդարանի) նախագահ Յուրի Ռատասը հայտարարել էր, որ Էստոնիան գտնվում է աղետի եզրին կորոնավիրուսային վարակի տարածման պատճառով։
Էստոնիայում կորոնավիրուսի դեմ պատվաստում ստացել է 871 105 մարդ, ինչը կազմում է երկրի բնակչության ավելի քան 58 տոկոսը, ընդ որում՝ 736 771 բնակիչ ավարտել է պատվաստման կուրսը։ Քովիդով հիվանդացության ցուցանիշը վերջին 14 օրում Էստոնիայում կազմել է 100 հազար մարդու հաշվարկով 1 311 մարդ։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Իրանի հարստացված ուրանի պաշարները միջուկային օբյեկտների փլատակներում են
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները