Կրեմլն արձագանքել է «Իսկանդերների» մասին Փաշինյանի խոսքերին
ՌԴ նախագահի մամուլի քարտուղար Դմիտրի Պեսկովը չի մեկնաբանել Հայաստանի վարչապետ Նիկոլ Փաշինյանի արտահայտություններին «Իսկանդեր» համալիրների հնարավոր անսարքության մասին` նշելով, որ ռուսական ռազմական տեխնիկան բազմիցս ցույց է տվել իր արդյունավետությունը, հաղորդում է «ՌԻԱ Նովոստի»-ն:
Ավելի վաղ Փաշինյանը հայտարարել էր անցյալ տարվա աշնանը Լեռնային Ղարաբաղում հակամարտության սրման ընթացքում «Իսկանդեր» տակտիկական համալիրների «չպայթած» կամ «10 տոկոսով պայթած» հրթիռների մասին: Փաշինյանն այդպես էր արձագանքել ՀՀ նախկին նախագահ Սերժ Սարգսյանի այն խոսքերին, թե հայ զինվորականներն «Իսկանդերը» կարող էին օգտագործել ռազմական գործողությունների հենց սկզբում:
«Մենք դա առանց մեկնաբանության ենք թողնում: Ռուսական տեխնիկան բազմիցս ցույց է տվել իր արդյունավետությունն աշխարհի տարբեր կետերում»,- լրագրողներին ասել է Պեսկովը: