Նիդերլանդներում կնոջ վրա է ընկել Boeing բեռնատար ինքնաթիռի բեկորը. ԶԼՄ-ներ

Boeing բեռնատար ինքնաթիռի մետաղյա բեկորներն ընկեր են Նիդերլանդների Մերսեն համայնքի տարածքում. վիրավորվել է մեկ մարդ, հաղորդում է NL Times պորտալը:

Դեպքը տեղի է ունեցել շաբաթ, երբ Boeing 747-400 բեռնատար ինքնաթիռն ուղեւորվում էր Մաստրիխթի օդանավակայանից դեպի Նյու Յորք: Ինչպես նշում է պարբերականը, թռիչքից կարճ ժամանակ անց օդանավում հրդեհ է բռնկվել եւ մի քանի բեկոր վայր է ընկել: Դրա հետեւանքով օդանավը վայրէջք է կատարել բելգիական Լյոժում: Տեղական հրշեջ ծառայության տվյալներով՝ ինքնաթիռի բեկորներից մեկն ընկել է կնոջ վրա, որը ստացել է աննշան վնասվածքներ: Մի քանի ավտոմեքենա է վնասվել, հաղորդում է ՌԻԱ Նովոստի-ն:

«Մերսենում բազմաթիվ մարդիկ ցնցված են, քանի որ նրանք տեսել են իրենց գլխավերեւում թռնող ինքնաթիռը՝ այրվող շարժչով»,-ասել է հրշեջ ծառայության ներկայացուցիչը:

Դեպքի պատճառները դեռեւս հայտնի չեն: Օդանավակայանի ներկայացուցիչը չի բացառել, որ ինքնաթիռի շարժչի մեջ կարող էր ինչ-որ բան հայտնվել: Դեպքի հանգամանքները հետաքննվում են:

Դա օրվա ընթացքում մեծությամբ երկրորդ միջադեպն է: Fox News հեռուստաալիքի հաղորդմամբ՝ շաբաթ շարժչի անսարքության պատճառով Boeing 777 ուղեւորատար ինքնաթիռի շարժչի պատյանն ընկել է բնակելի շրջանում ամերիկյան Դենվերի մերձակայքում: Տուժածների մասին տեղեկություններ չեն ստացվել: