Իրաքում ՆԱՏՕ-ի կոնտինգենտի ցանկացած ավելացումը կարող է կատարվել միայն երկրի ղեկավարության խնդրանքով
Իրաքում ՆԱՏՕ-ի կոնտինգենտի ցանկացած ավելացումը կարող է կատարվել միայն երկրի ղեկավարության խնդրանքով: Այդ մասին կիրակի հայտարարել է արաբական հանրապետությունում Հյուսիսատլանտյան միության առաքելության հրամանատար գեներալ Պեր Օլսենը:
«ՆԱՏՕ-ի առաքելությունն Իրաքում է գտնվում իրաքյան իշխանությունների խնդրանքով, եւ դրա խնդիրների ցանկացած ընդլայնումը երկրի տարածքում կարող է իրականացվել միայն իրաքյան կառավարության խնդրանքով»,-ասել է հրամանատարը:
Բաղդադում Իրաքի ազգային անվտանգության հարցերով խորհրդական Ղասեմ ալ Արաջիի հետ հանդիպման ժամանակ Օլսենը նշել է, որ այդտեղ ՆԱՏՕ-ի ուժերն աջակցում են իրաքյան բանակին ահաբեկչության դեմ պայքարում:
Իր հերթին ալ Արաջին հայտնել է, որ Իրաքը հետաքրքրված է փորձի փոխանակման մեջ (միության հետ) ծայրահեղական խմբավորումների դեմ պայքարում: Այդ համագործակցությունը շատ կարեւոր է, քանի որ Իսլամական պետություն ահաբեկչական կազմակերպությունը դեռեւս սպառնալիք է ներկայացնում երկրի անվտանգությանը, հավելել է նա:
Փետրվարի 18-ին ՆԱՏՕ-ի անդամ պետությունների պաշտպանության նախարարները տեսահամաժողովի ժամանակ որոշում են կայացրել ութ անգամ մեծացնել միության առաքելությունն իրաքյան բանակի պատրաստվածությունը բարձրացնելու հարցում՝ 500-ից հասնցնելով 4 հազար մարդու: ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ առաքելությունը կպահպանի մարզումների կարգավիճակը, իսկ դրա կազմում զորքերը կմասնակցեն մարտական գործողություններում, հաղորդում է ՏԱՍՍ-ը:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սիթի ՍՊ ընկերության մի քանի աղցանի արտադրությունը կասեցվել է
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Սամվել Կարապետյանին կալանավորելու միջնորդություն է ներկայացվել
Քննարկվել են Երևանի և Սյունիքի մաքսային և լոգիստիկ կենտրոնների կառուցման ծրագրերը
Դավիթ Թադևոսյանը մրցանակներ է հանձնել Միկրոէլեկտրոնիկայի ամենամյա միջազգային օլիմպիադայի հաղթողներին
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...