Մադուրոն զինվորականներին կոչ է արել «մաքրել զենքերը» անհրաժեշտության դեպքում Կոլումբիայի նախագահին «պատասխան տալու» համար
Վենեսուելայի նախագահ Նիկոլաս Մադուրոն ասել է, որ զինվորականները պատրաստ են պաշտպանել երկրի ինքնիշխանությունը Կոլումբիայի հնարավոր ագրեսիայի դեպքում, հայտնում է ՏԱՍՍ լրատվական գործակալությունը:
«Բոլիվարյան Հանրապետության զինված ուժերին ասել եմ, որ վճռական արձագանք տան Վենեսուելայի վերաբերյալ Կոլումբիայի նախագահ Իվան Դուկեի անխոհեմ հայտարարություններին: Անհրաժեշտ է մաքրել մեր հրացանները, որպեսզի պատասխանենք նրան, եթե նա համարձակվի խախտել Վենեսուելայի ինքնիշխանությունը», - ասել է Մադուրոն Կարակասում կայացած ելույթի ժամանակ, որը հեռարձակվել է պետական հեռուստատեսությամբ:
Նա իր կոլումբիացի գործընկերոջը կոչ է արել իմանալ սեփական սահմաններն ու հարգել Վենեսուելան։
Վենեսուելայում իրավիճակը կտրուկ սրվել է այն բանից հետո, երբ 2019 թվականի հունվարի 23-ին ընդդիմության առաջնորդ Խուան Գուայդոն ինքն իրեն հռչակել էր նախագահի պաշտոնակատար, այն բանից հետո, երբ Գերագույն դատարանը չեղյալ էր հայտարարել խորհրդարանի խոսնակի պաշտոնում նրա նշանակումը: ԱՄՆ-ը նրան ճանաչել է որպես պետության ժամանակավոր ղեկավար, ինչին միացել են Լիմա խմբի երկրները (բացառությամբ Մեքսիկայի)։ Նախագահ Մադուրոն կատարվածը որակել է որպես հեղաշրջման փորձ և հայտարարել ԱՄՆ-ի հետ դիվանագիտական հարաբերությունների խզման մասին: Դրան իրենց աջակցությունն են հայտնել Ռուսաստանը, Բելառուսը, Իրանը, Չինաստանը, Կուբան, Նիկարագուան, Սիրիան և Թուրքիան:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները