Facebook-ը մտադիր է հեռացնել կորոնավիրուսի դեմ պատվաստման վերաբերյալ այն տեղեկությունները, որոնք կեղծ է համարում
Facebook սոցցանցը նոր կանոններ է մտցնում, որոնց համաձայն մոդերատորները կհեռացնեն կորոնավիրուսի դեմ պատվաստման վերաբերյալ այն տեղեկությունները, որոնք կեղծ է կհամարեն կամ առողջապահության մարմինների պաշտոնական տվյալներին հակասող: Այս մասին նշված է ընկերության տարածած հայտարարության մեջ, փոխանցում է ՏԱՍՍ-ը:
«Առաջատար բժշկական կազմակերպությունների, այդ թվում Առողջապահության համաշխարհային կազմակերպության հետ խորհրդակցությունների արդյունքներով մենք ընդլայնում ենք կորոնավիրուսին եւ պատվաստանյութերին վերաբերող կեղծ պնդումների ցանկը: Դրա մեջ կմտնեն պնդումները, որ կորոնավիրուսը ստեղծել է մարդը կամ հայտնվել է մարդու շնորհիվ, որ պատվաստանյութերն արդյունավետ չեն, որ ավելի անվտանգ է հիվանդությունը հաղթահարելը, քան պատվաստվելը, ինչպես նաեւ՝ որ պատվաստանյութերը վտանգավոր են, թունավոր կամ կարող են աուտիզմ առաջացնել»,- նշված է հաղորդագրության մեջ:
Ուժեղացված մոդերացիան կդառնա Facebook-ի համավարակի դեմ պայքարի նոր արշավի մասը: Սոցցանցը կսկսի տրամադրել առողջապահության մարմինների ռեսուրսների հղումներ, որոնք կունենան ինֆեկցիայի մասին տեղեկություններ, ինչպես նաեւ այն մասին, թե ինչպես եւ որտեղ է հնարավոր գրանցվել պատվաստվելու համար: Այսպիսի ծառայությունը նախ կգործարկվի ԱՄՆ-ում, բայց ընկերությունը նախատեսում է հետո այն տարածել նաեւ մյուս երկրներում:
Տեխնոլոգիական հսկաների կողմից անցկացվող կոնտենտի մոդերացիան ուշադրության կենտրոնում է հայտնվել տարեսկզբին, երբ մի շարք խոշորագույն սոցցանցեր արգելափակել էին Դոնալդ Թրամփի էջերը՝ սահմանափակելով համակիրների հետ շփվելու նրա հնարավորությունները: Հունվարի կեսին Twitter-ը ժամանակավորապես արգելափակել էր հասանելիությունը ռուսական «Սպուտնիկ V» պատվաստանյութի էջին: Ընկերությունն ավելի ուշ իր գործողությունները պատճառաբանել էր էջը հնարավոր կոտրելուց պաշտպանելու անհրաժեշտությամբ:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները