Յավլինսկին մեղադրել է Նավալնիին ֆաշիզմի եւ պոպուլիզմի մեջ
«Յաբլոկո» կուսակցության հիմնադիր Գրիգորի Յավլինսկին հրապարակել է իր կայքում հոդված, որում կոշտ քննադատության է ենթարկել ընդդիմադիր Ալեքսեյ Նավալնիին: Փաստորեն, Յավլինսկին հայտարարել է, որ ժողովրդավարության ուղղությամբ տրամադրված քաղաքացիները, որոնք ցանկանում են փոփոխություններ դեպի լավը, Նավալնիի հետ նպատակին չեն հասնի, քանի որ նրա քաղաքականությունը նույնպես կհանգեցնի «վախի եւ ճնշումների մթնոլորտին», հաղորդում է ՄԿ-ն:
Խոսելով կոռուպցիայի դեմ պայքարում Նավալնիի գործունեության մասին՝ Յավլինսկին նշում է, որ նրա «բացահայտող» ֆիլմերն ուղղված են «տարրական սոցիալական տարբերությունների զարգացմանը»:
«Կոռուպցիայի դեմ իսկական պայքարը գողություն արած պաշտոնյանների կալվածքների՝ դրոններով նկարահանումը չէ, այլ քաղաքական պայքար է հանուն նոր ռուսական պետության»,-ասում է Յավլինսկին:
Նա նաեւ մեղադրում է Նավալնիին պոպուլիզմի եւ նացիոնալիզմի մեջ: Ի պաշտպանություն իր խոսքերի՝ նա մեջբերել է 2011 թվականին Վալերի Նովոդվորսկիի արտահայտած կարծիքը. «Նավալնին կարող է դառնալ խելագարված ամբոխների ապագա առաջնորդը, ընդ որում՝ անգամ նացիստական ուղղվածությամբ»:
Յավլինսկին նախազգուշացնում է, որ եթե ամբոխները հետեւեն Նավալնիին, ապա ապագայում երկրին ֆաշիզմ է սպասվում: «Ալիքը, որն այժմ բարձրանում է, բարձրանում է բնավ ոչ միայն Պուտինի դեմ: Այն բարձրանում է հանուն Ռուսաստանի ոչ ժողովրդավար ապագայի: Այն բարձրանում է հանուն անցած կոմունիզմի կամ ապագա ֆաշիզմի: Եւ Նավալնին այդ նոր վախճանի պոտենցիալ առաջնորդներից մեկն է»,-գրում է Յավլինսկին:
Նա նաեւ մեղադրում է Նավալնիին եւ նրա շրջապատին, որ վերջիններս կոտրում են ռուսաստանցիների ճակատագրերը, որոնք նրանց կոչով մասնակցում են չարտոնագրված հանրահավաքներում եւ արդյունքում հայտնվում ճաղերի հետեւում:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները