Իսրայելը թուլացրել է հակակորոնավիրուսային սահմանափակումները կարանտին սահմանելուց 6 շաբաթ անց
Իսրայելը սկսել է թուլացնել հակակորոնավիրուսային սահմանափակումները երրորդ համապետական կարանտինը սահմանելուց 6 շաբաթ անց, հաղորդում է Associated Press-ը:
Կիրակի սկսել են թարմացնել գործունեությունը բիզնեսի որոշ տեսակներ, եւ մարդկանց այսուհետ թույլատրվում է իրենց տներից հեռանալ ավելի քան 1 կմ հեռավորության վրա:
Սակայն դպրոցները դեռեւս փակ են, իսկ միջազգային չվերթները՝ արգելված:
Իսրայելը սահմանել էր երրորդ կարանտինը դեկտեմբերի վերջում, երբ կորոնավիրուսի համավարակը դարձել էր անվերահսկելի: Ընդհանուր առմամբ երկրում հայտնաբերվել է COVID-19-ով վարակման ավելի քան 686 000 դեպք, մահացել է 5 074 մարդ:
Միեւնույն ժամանակ երկրում մեկնարկել է կորոնավիրուսի դեմ պատվաստման արշավը:
Ավելի քան 3.4 միլիոն իսրայելցի արդեն ստացել է Pfizer ընկերության կորոնավիրուսի դեմ պատվաստանյութի առաջին դեղաչափը, եւ առնվազն 2 միլիոն մարդ՝ երկրորդ դեղաչափը: