Մեդվեդևը հնարավոր է համարել համացանցից Ռուսաստանի անջատումը
Համաշխարհային ցանցից Ռուսաստանի անջատումը հնարավոր է, բայց իշխանություններն այդ դեպքի համար գործողությունների ծրագիր ունեն: Այս մասին հայտարարել է Ռուսաստանի Անվտանգության խորհրդի նախագահի տեղակալ Դմիտրի Մեդվեդևը ռուսական լրատվամիջոցներին տված հարցազրույցում, գրում է «ՌԻԱ Նովոստի» գործակալությունը:
«Համացանցն, ինչպես գիտեք, որոշակի ժամանակում է հայտնվել, և, իհարկե, վերահսկման հիմնական իրավունքները Ամերիկայի Միացյալ Նահանգներում են: Այնպես որ, եթե ինչ-որ բան պատահի, եթե ինչ-որ մեկի ուղեղը լրիվ դատարկվի, այդպիսի բան հնարավոր է տեղի ունենա: Հենց այն պատճառով, որ դրա բանալիները օվկիանոսից այն կողմ են գտնվում: Իհարկե, մենք ծրագիր ունենք, թե ինչպես վարվենք նման իրավիճակում»,-ասել է Մեդվեդևը:
Նա հիշեցրել է նաև երկիրը միջազգային միջբանկային ֆինանսական հեռահաղորդակցության կազմակերպությունից (SWIFT) անջատելու վերաբերյալ արդեն իսկ հնչեցված սպառնալիքների մասին:
«Սա մաքուր համացանց չէ, սա բանկային գործունեության ինչ-որ ածանցյալ է, բայց մեզ մշտապես վախեցնում են դրանով: Մենք նույնիսկ ստիպված էինք ստեղծել տեղեկատվություն փոխանցելու մեր սեփական համակարգը, եթե հանկարծ դա պատահի, որպեսզի կարողանանք փոխանակել էլեկտրոնային հաղորդագրություններ. հնարավոր է՝ նույնը տեղի ունենա համացանցի միջոցով, և այդ ժամանակ մենք այլևս հասանելիություն չենք ունենա այս ցանցի հիմնական հանգույցներին»,-ավելացրել է Մեդվեդևը:
Անվտանգության խորհրդի ղեկավարի տեղակալը հիշեցրել է, որ նման ռիսկերի ֆոնին համացանցի ռուսական հատվածի մասին օրենք է ընդունվել, որպեսզի այն ինքնավար վերահսկվի:
«Քանի որ համացանցն այժմ կապված է ամբողջ պետության կառավարման հետ, այն կապված է նաև հսկայական քանակությամբ սոցիալական գործառույթների ստացման հետ։ Մենք չէինք կարող դա թողնել առանց վերահսկողության: Հետևաբար, կա այդպիսի օրենք, և, անհրաժեշտության դեպքում, այն ուժի մեջ կմտնի», - եզրափակել է Մեդվեդևը:
Ֆինանսական հաղորդագրությունների համակարգը ստեղծվել է՝ պատասխանելով SWIFT- ից ռուսական բանկերի հնարավոր անջատման ռիսկերին: Դա տեղեկատվության փոխանցման և վճարումներ կատարելու միջազգային միջբանկային համակարգ է: Դրան են միացված աշխարհի գրեթե բոլոր երկրների ավելի քան 11 000 խոշորագույն կազմակերպություններ: Մամուլում պարբերաբար տեղեկություններ են հայտնվում այն մասին, որ Ռուսաստանը կարող է կտրվել այս համակարգից` Արևմուտքի կողմից ավելի խիստ պատժամիջոցներից մեկի շրջանակում:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները